Təhsil Nazirliyi sosial şəbəkədə yayılan videoya münasibət bildirdi
Təhsil Nazirliyi sosial şəbəkədə müəllimin şagirdi döyməsini əks etdirən videoya münasibət bildirib.
Sosial şəbəkədə yayılan videoda görünür ki, müəllim dərsini bilməyən qız uşağının başından vurur, daha sonra isə onu təhqir edir.
Videonu yayan şəxs bildirib ki, hadisə Xırdalan şəhərindəki 9 saylı məktəbdə baş verib.
Təhsil Nazirliyindən bildirilib ki, bu məsələ ilə bağlı yayılmış video ilə əlaqədar hazırda araşdırma aparılır: "Araşdırma başa çatdıqdan sonra nəticəsi barədə məlumat veriləcək".
