"Baş Prokurorluq hərəkətə keçməlidir"

Ölkə mətbuatının əsas gündəm xəbərlərindən biri SOCAR-ın yüksək vəzifəli işçisinin arvadının Türkiyədən 20 milyon dollara 16 villa almasıdır

Məsələ ilə bağlı hüquq mühafizə orqanlarının hansısa iş aparıb, aparmaması qaranlıqdır.

Bu tip hadisələr olanda əslində hüquq mühafizə orqanları necə davaranmalıdır?

Bu məsələ ilə bağlı Müsavat Partiyası başqanının müavini, hüquqşünas Elman Fəttah Ölkə.Az-a danışıb:

"Bu cür hadisələr KİV-də yayıldıqdan sonra hüquq mühafizə orqanları müvafiq olaraq dərhal araşdırmaya başlamalıdırlar. KİV-də yayılmış bu cür və korrupsiya haqqında olan məlumatlar prokurorluq orqanlarının hərəkətə keçməsi üçün əsasdır. Təsadüfi deyil ki, 20 milyona 16 villa alınması məsələsi bu gün Müsavat Partiyasının Divanında da müzakirə edildi. Müsavat Partiyasının Divanı həmin məsələni hüquqi müstəvidə araşdırmağı tələb etdi.

Prokurorluq dərhal araşdırmaya başlamalıdır ki, bu faktlar hansı əsasda təsdiqini tapıb. Araşdırma barədə ictimaiyyət məlumatlandırılmalıdır. Bu cür məsələləri araşdırmaq prokurorluq orqanları, xüsusilə də Azərbaycan Respublikasının Baş Prokuroru yanında Korrupsiyaya Qarşı Mübarizə İdarəsinin funksional vəzifəsidir".

Səxavət Məmməd
Ölkə.Az