Zaqatalanın 14 kəndi işıqsız qaldı
Şimal-qərb bölgəsinə yağan qar ciddi fəsadlar törədib.
Ölkə.Az APA-ya istinadən xəbər verir ki, fasiləsiz yağan qar nəticəsində yollar buz bağlayıb, bəzi ərazilərdə elektrik naqilləri qırılıb. Nəticədə bölgənin rayonlarında elektrik enerjisinin verilişində məhdudiyyətlər yaranıb. Hazırda Zaqatalanın 14 kəndində elektrik enerjisi yoxdur.
Rayon İcra Hakimiyyətindən APA-nın yerli bürosuna bildirilib ki, aidiyyəti qurumlar yolları qardan təmizləyir və elektrik enerjisinin verilişində problemlər yaranmış kəndlərdə bərpa işləri davam etdirilir.
Hazırda şimal-qərb bölgəsində qarın yağması davam edir. Qarın qalınlığı düzənlik ərazilərdə 40-50 sm, dağlıq və dağəti ərazilərdə isə 60-70 sm-ə çatıb.
