Nazir müavini təyin edilən Cabbarzadə kimdir? - DOSYE

Ölkə.Az yeni nazir müavininin dosyesini təqdim edir:

1 aprel 1975-ci ildə Ordubad rayonunun Nüsnüs kəndində anadan olub.

1991-ci ildə Nüsnüs kənd orta məktəbini qızıl medalla bitirərək Naxçıvan Dövlət Universitetinin İstehsalın iqtisadiyyatı və idarə edilməsi ixtisasının əyani şöbəsinə daxil olub, 1996-cı ildə universiteti fərqlənmə diplomu ilə bitirib. 1997-ci ildən təhsilini Naxçıvan Dövlət Universitetinin aspiranturasında davam etdirib.

Əmək fəaliyyətinə 1996-cı ildə Naxçıvan Dövlət Universitetinin İqtisadiyyat və idarəetmə kafedrasında müəllim kimi başlayıb.

2001-2003-cü illərdə İqtisad-hüquq fakultəsinin dekan müavini, 2004-2014-cü illərdə İqtisad fakultəsinin dekan müavini vəzifələrində çalışıb.

2003-cü ildə Azərbaycan Dövlət İqtisad Universitetində fəlsəfə doktorluğu dissertasiyasını müdafiə edərək iqtisad üzrə fəlsəfə doktoru elmi dərəcəsi alıb.

Naxçıvan Muxtar Respublikası Ali Məclisi sədrinin 05 iyun 2014-cü il tarixli Sərəncamı ilə Ali Məclis sədrinin iqtisadi məsələlər üzrə müşaviri vəzifəsinə təyin edilib.

Naxçıvan Muxtar Respublikası Ali Məclisi sədrinin 22 iyun 2015-ci il tarixli Sərəncamı ilə Naxçıvan Muxtar Respublikasının Daşınmaz Əmlak və Torpaq Məsələləri üzrə Dövlət Komitəsinin sədri vəzifəsinə təyin edilib.

07 yanvar 2020-ci il tarixdən Daşınmaz Əmlak və Torpaq Məsələləri üzrə Dövlət Xidmətinin rəisi vəzifəsində çalışıb.  

29 fevral 2024-dən Naxçıvan Muxtar Respublikasının İqtisadiyyat Nazirliyi yanında Əmlak Məsələləri Dövlət Xidmətinin rəis müavini vəzifəsində çalışıb, rəis vəzifəsini müvəqqəti icra edib.
Eyni zamanda Naxçıvan Dövlət Universitetinin 0,5 ştat dosenti vəzifəsində çalışır.

Billurə