Azərbaycanın kriminal gündəliyi
Daxili İşlər Nazirliyinin əməkdaşları oğurluqda şübhəli bilinən şəxsləri tutub.
DİN-dən Ölkə.Az-a daxil olan məlumata görə, Quba Rayon Polis Şöbəsinin əməkdaşlarının həyata keçirdikləri əməliyyat-axtarış tədbirləri nəticəsində yanvarın 27-də rayon sakini Mübariz Paşayevin evindən 100 ABŞ dolları və geyim əşyaları oğurlayan Qusar şəhər sakinləri Emin Əmirbəyov, Ayaz Qurbanov və Fariz Əhmədxanov tutulub.
Ətraflarında aparılan əməliyyat tədbirləri ilə onların rayon sakinləri S.Nəcəfova, Z.Əmirxanovaya məxsus evlərdən oğurluğa cəhd göstərmələri, L.Abbasovanın, V.Abdullayevin evlərindən qızıl əşyalar və pul oğurlamaları, həmçinin E.Əmirbəyovun və A.Qurbanovun Quba şəhər sakini Qalib Sultanovla birgə həmyerliləri Ramiz Dəmirovun evindən sənəd və ətir oğurlanmaları da müəyyən edilib.
Həyata keçirilən tədbirlərlə Q.Sultanov tutulub.
Bakıda da oğurluq hadisəsi qeydə alınıb.
Belə ki, yanvarın 23-də Malaziya vətəndaşı Şarun Anenin kirayədə yaşadığı evdən qızıl əşyalar oğurlanıb. Xətai RPİ 37-ci PB əməkdaşlarının həyata keçirdikləri əməliyyat-axtarış tədbirləri nəticəsində Kürdəmir rayon sakini, əvvəllər məhkum olunmuş Zümrüd Osmanova tutulub. Yanvarın 27-də Nizami rayon ərazisindəki mağazalardan birindən avtomobil ehtiyat hissələri oğurlanıb. Nizami RPİ 23-cü PB əməkdaşlarının həyata keçirdikləri əməliyyat-axtarış tədbirləri nəticəsində avtomobil ehtiyat hissələri oğurlamış Bakı şəhər sakinləri İlham Rəşidov və Sərxan İsbatov tutulmuşlar.
Gəncə rayonunda oğurluğa cəhd göstərmi şəxs tutulub.
Belə ki, yanvarın 27-də şəhər sakini Ənvər Həsənova məxsus mağazadan oğurluğa cəhd göstərilib. Nizami (Gəncə) RPİ əməkdaşlarının həyata keçirdikləri əməliyyat-axtarış tədbirləri nəticəsində mağazadan oğurluğa cəhd göstərmiş həmyerlisi Pərviz Niyazov tutulub. Ətrafında aparılmış əməliyyat tədbirləri ilə onun yanvarın 21-də daha bir mağazadan pul oğurlaması da müəyyən edilib.
Oxşar hadisə Mingəçevir şəhərində də baş verib.
Yanvarın 28-də şəhəri sakini Araz Pənahova məxsus mağazadan dam örtüyü sökülməklə tütün məmulatı və ərzaq məhsulları oğurlanıb. Mingəçevir ŞPŞ əməkdaşlarının həyata keçirdikləri əməliyyat-axtarış tədbirləri nəticəsində oğirluqda şübhəli bilinən həmyerliləri Səbuhi Rəsulov və Pərviz Əhmədov tutulublar.
Daha bir cinayət Şəmirkdə baş verib.
Yanvarın 28-də rayon sakini Hüseyn Salmanova məxsus mağazadan pəncərədən girmək yolu ilə 652 manat oğurlanıb. Şəmkir RPŞ əməkdaşlarının həyata keçirdikləri əməliyyat-axtarış tədbirləri nəticəsində oğurluq etmiş həmyerlisi Rüstəm Abbasov tutulub.
Neftçalada da oğrular həbs edilib.
Belə ki, yanvarın 27-də rayon sakini Məsməxanım Cəlilovanın evindən 20 manat və 100 ABŞ dolları, habelə qızıl əşyalar oğurlanıb. Neftçala RPŞ əməkdaşlarının həyata keçirdikləri əməliyyat-axtarış tədbirləri nəticəsində oğurluq etmiş həmyerlisi Elvin Zeynalov tutulub.
Lənkəran şəhəridə isə qızıl və məişət əşyaları oğurlanıb. Yanvarın 27-də şəhər sakini Bahadur Heydərovun evindən qızıl və məişət əşyaları oğurlanıb. Lənkəran ŞRPŞ əməkdaşlarının həyata keçirdikləri əməliyyat-axtarış tədbirləri nəticəsində qızıl və məişət əşyaları oğurlamış həmyerlisi Bəhruz Əliyev tutulub.
Cəlilabadda isə qoyun oğruları tutulub. Nazirlikdən verilən məlumata görə, 2014-cü il oktyabrın 13-də rayon sakini Bəybala Atayevin həyətindən 11 baş qoyun oğurlanıb. Cəlilabad RPŞ əməkdaşlarının həyata keçirdikləri əməliyyat-axtarış tədbirləri nəticəsində oğurluqda şübhəli bilinən həmyerliləri Sarəddin Həsənov, Hüseyn Hüseynov və Elvin Qardaşxanov tutulublar.
Hər bir faktla bağlı araşdırma aparılır.
