Bakıda təcili yardım həkimlərini iş başında döydülər
Dünən Sabunçu rayonunda 13 saylı Təcili Yardım Stansiyasının həkimləri xoşagəlməz hadisə ilə üzləşiblər
Qafqazinfo bildirir ki, həkimlər və tibb bacısı Aynur Süleymanova saat 16 radələrində Bakıxanov qəsəbəsinə çağırışa gediblər. Burada onlara iki naməlum şəxs hücum edərək döyüb. Təcili tibbi yardım işçiləri güclə hadisə yerindən uzaqlaşa biliblər.
Hal-hazırda faktla bağlı araşdırma aparılır. Sabunçu rayon 13-cü polis bölməsinin əməkdaşları insidentin baş vermə səbəblərini araşdırırlar.