Bakıda veloyürüş keçirilib
Ölkəmizdə gənclər siyasətinin əsası ümumilli lider Heydər Əliyev tərəfindən qoyulub. Ulu Öndər gənclərin imkan və bacarıqlarını yüksək qiymətləndirir, onların problemlərinin həlli istiqamətində həyata keçirilən tədbirlərə xüsusi önəm verirdi. Gənclər, İdman və Turizm nazirliklərinin yaradılması, Azərbaycan gənclərinin ilk ümumrespublika forumunun keçirilməsi, 2 fevralın Azərbaycan gənclərinin günü seçilməsi və bu kimi digər fəaliyyətlər Heydər Əliyevin gənclərə olan qayğı və diqqətinin nəticəsi idi. Bu gün Cənab İlham Əliyev Ulu öndərin yaratdığı siyasəti uğurla davam etdirir. Gənclərin inkişafı üçün yaradılan imkanlar daha da genişlənir.
Gənclər siyasətində idmanın inkişaf etdirilməsi və onun kütləvi hal alması mühüm yer tutur. Dövlət başçısının ardıcıl səyləri nəticəsində Azərbaycan dünyanın qabaqcıl idman ölkələrindən birinə çevrilib. Bölgələrdə olimpiya kompleksləri açılmışdır.Bu həmdə gənclərin asudə vaxtlarının düzgün dəyərləndirməsi üçün nəzərdə tutulmuşdur.
Məhz bunu nəzərə alaraq 2 fevral gənclər günü ilə əlaqədar Azərbaycan Velosiped İdmanı Federasiyası, Dövlət Bayraq Meydanı və “Böyük İpək Yolu” Beynəlxalq Gənclər Birliyinin tərəfdaşlığı, İrəli İctimai Birliyinin təşkilatçılığı ilə birgə velo yürüşə start verildi.
Velo yürüşün əsas məqsədi gənclərin sağlam həyat tərzinin formalaşmasına dair təbliğatın aparılması, gənclərin asudə vaxtının səmərəli təşkil olunması və günün əhəmiyyətinin onlara aşılanmasına yönəlmişdir.
