Ruslan İzzətli ABŞ Konqresində
ABŞ-da səfərdə olan D18 Hərəkatının başqanı Ruslan İzzətli ABŞ Konqresində görüşlər keçirir.
Konqresdə Amerika Respublikaçılar Partiyasından olan konqresmen Dunkan Hanterlə görüşüb.
D18 Hərəkatının mətbuat xidmətindən verilən məlumata görə, ABŞ Konqresində Ruslan İzzətli konqresmen D.Hanterlə görüşüb. Görüşdə Azərbaycanda demokratiyanın, insan haqlarının durumu müzakirə edilib.
Bu haqda Ruslan İzzətli özü açıqlama verib. Açıqlamada deyilir:
“Cənab Dunkan Hanterlə Azərbaycanda demokratiyanın, insan haqlarının durumunu müzakirə etdik. Ölkəmizdə jurnalistlərin, hüquq müdafiəçilərinin problemlərini cənab konqresmenin diqqətinə çatdırdım. Görüş zamanı ABŞ-ın Helsinki Komissiyasının sədri, konqresmen K.Smitin Azərbaycana qarşı sanksiya lahiyəsi də müzakirə olundu. Konqresmen Hanter bizə bildirdi ki, Konqresdə layihənin qəbul olunmasında Smitə yardımçı olacaq”.
