Rəşad Bayramov “Mənim Təhsilim, Mənim Gələcəyim!” kampaniyasının rəhbəri oldu
“Mənim Təhsilim, Mənim Gələcəyim!” kampaniyasının rəhbəri Rövşən Nəcəfov estafeti Rəşad Bayramova ötürüb.
Sözügedən kampaniyanın yeni rəhbəri Rəşad Bayramov Azərbaycan Dillər Universitetinin Regionşünaslıq (Amerikaşünaslıq) ixtisasının 3-cü kurs tələbəsidir. O, bu günə qədər təhsil aldığı ali məktəbin ictimai işlərində və kampaniyanın icra etdiyi layihələrdə fəallıq göstərib. 2015-ci ildə universitetin nəzdində fəaliyyət göstərən “ADU TGT Diplomat” klubunun sədri olub.
“Mənim Təhsilim, Mənim Gələcəyim!” kampaniyası Azərbaycanın paytaxtı və regionlarında gənclərin, xüsusən tələbələrin maarifləndirilməsi istiqamətində fəaliyyət göstərir.
