"Kəpəz FM" 3 yaşında
3 ildir ki, yayımda olan "Kəpəz FM" radiosu Azərbaycanın qərb bölgəsini əhatə edir. Bu müddətdə yorulmadan çalışan "Kəpəz FM" kollektivi də bu gün topladığı dinləyici kütləsi ilə öyünməyə haqlıdır.
Azərbaycanın qərb bölgəsində bir ilkə imza ataraq yenilikçi missiyasını öz üzərinə götürən 93.3 FM, zamanın inkişaf dinamikasının tələblərinə cavab verməyə qadirdir.
Ən hit musiqiləri, ən son xəbərləri hər kəs dinləsin deyə radionun əhatə dairəsi genişləndirilir, bütün dinləyicilərin zövqünü oxşamaq üçün maraqlı yeniliklər edilir.
Əhatə yayımı geniş olan "Kəpəz FM", bununla da digər bölgə sakinlərini də radiodan zövq almağa sövq edir. Dinləyicilər, Gəncə və Gəncətrafı rayonlarda 93.3 tezliyində, Qazax, Tovuz, Ağstafa rayonlarında 102.7 tezliyində çox asan, tam rahat "Kəpəz FM" radiosundan zövq ala bilərlər.
İpək yolu üzərində, Kürdəmirdən "Qırmızı Körpü"yədək sükan arxasında əyləşərək, yolun uzunluğunun fərqində olmaq istəməyənlər indi "Kəpəz FM" dalğasına köklənsinlər.
Bir sözlə, "Kəpəz FM"lə dinlə, hiss et, arzula!..
