Ekspert: \"ABŞ niyə işğalçının torpaqlarımızdan çıxmasını dilə gətirmir?\"

ABŞ-ın Milli Kəşfiyyat Agentliyinin direktoru Ceyms Klepperin Konqresə hesabatında bildirib ki, Dağlıq Qarabağda hər an irimiqyaslı müharibə başlaya bilər

O, Azərbaycan və Ermənistan arasında yaşanan gərginliyin 2016-cı ildə də davam edəcəyini bildirib. ABŞ kəşfiyyatının direktoru hesabatında bildirib ki, Azərbaycanın artan hərbi gücü və iqtisadi problemlər irimiqyaslı hərbi əməliyyatların yenidən başlaması təhlükəsini artırır.

Bununla bağlı hərbi ekspert Üzeyir Cəfərov Ölkə.az - Azərbaycan və dünya xəbərləri" target="_blank">Ölkə.Az-a danışıb:

"ABŞ-ın indiyə qədər Qarabağa heç vaxt dərin marağı olmayıb. ABŞ bu məsələni başlı-başına buraxıb. Qarabağ məsələsi daha çox Rusiyanın inhisarında olub və ona görə də, bu problem öz həllini tapmayıb. ABŞ-ın Milli Kəşfiyyat Agentliyinin direktoru Ceyms Klepperin Konqresə hesabatında "Azərbaycan Dağlıq Qarabağdan heç vaxt imtina etməyəcək" kimi fikir səsləndirib. Bu çox maraqlı bir cümlədir. Azərbaycan öz ərazisindən nə vaxtsa imtina etməyə hazırlaşırdı ki, bu fikir səsləndirilir?

Burada söhbət işğaldan gedir. Torpaqlarımız ermənilər tərəfindən zəbt olunub. ABŞ BMT-nin üzvü kimi bilir ki, bu, 4 qətnamədə öz əksini tapıb. Niyə onlar dilə gətirmir ki, işğalçı işğal etdiyi ərazilərdən çıxmalıdır. Ümumi cümlələrlə guya heç bir dövlətin xətrinə dəymirlər. Bəli, Azərbaycan işğal olmuş torpaqlarını işğaldan azad etmək üçün hər an genişmiqyaslı müharibəyə başlaya bilər. İstənilən halda Azərbaycan öz ərazi bütövlüyünü bərpa etməlidir və bu olacaq".

Səxavət Məmməd
Ölkə.az - Azərbaycan və dünya xəbərləri" target="_blank">Ölkə.Az