Ruslan İzzətli görüş keçirdi

D18 Hərəkatının başqanı Ruslan İzzətli Hərəkata qoşulan yeni üzvlərlə görüşüb.

D18 Hərəkatının mətbuat xidmətinin verdiyi məlumata görə Hərəkatın mərkəzi ofisində görüş keçirilib. D18 Hərəkatının İdarə Heyətinin iştirakıla yeni üzvlərin qəbulu təsdiqlənib və üzvlərə D18-in rozetləri təqdim edilib.

Daha sonra Ruslan İzzətli Hərəkatın məqsədləri, planları və ölkədəki ictimai-siyasi vəziyyət haqda çıxış edib.

Ruslan İzzətli çıxışında bildirib : “ D18 Hərəkatı idelojilərdən imtina etmiş bir siyasi hərəkatdır. Məqsədimiz ölkədə yeni nəsil siyasətçilərdən ibarət yeni qüvvəni formalaşdırmaqdır. Bu gün sıralarımız artır, yeni rayon şöbələrimiz yaradılır. Bu da onu göstərir ki, artıq narazı insanlar yaranır. Biz ölkəmizin indiki durumun ciddi təhlil edib, məsuliyyətimizi anlamalıyıq. Artıq, dəyişiklik astanasıdır. D18 olaraq bu dəyişikliyə hazır olmalıyıq.”