Keçmiş neftçinin qatilləri ələ keçdilər
Bakıda bir neçə gün əvvəl törədilən qətlin üstü açılıb.
Daxili İşlər Nazirliyindən Ölkə.Az-a verilən məlumata görə, Maştağa qəsəbəsi ərazisində yerləşən bağ evlərindən birində 1940-cı il təvəllüdlü Həmid Məmmədrəsuloğlunu küt alətlə qətlə yetirməkdə şübhəli bilinən Bakı şəhər sakinləri Hüseyn Abdullazadə və Elman Qasımov tutulublar.
Qeyd edək ki, hadisə fevralın 14-də qeydə alınıb. H.Məmmədrəsuloğlunun meyiti özünün bağ evində aşkarlanıb. Faktla bağlı Sabunçu rayon Prokurorluğundan Cinayət Məcəlləsinin 120.1-ci (qəsdən adam öldürmə) maddəsi ilə cinayət işi başlanıb, istintaq gedir.
