Qaçaqmalçılıq üstündə həbs edildiyi deyilən "Çudo Peçka"nın icraçı direktoru danışdı
Bu gün mətbuatda yayılan xəbərlərdə "Çudo Peçka" şəbəkəsinin idarəçisi olan Azad Abdullayevin Baş Mütəşəkkil Cinayətkarlıla Mübarizə İdarəsinin əməkdaşlarının əməliyyatı nəticəsində həbs edildiyi qeyd edilmişdi
Ölkə.Az-ın redaksiyasına zəng edən Azad Abdullayev barəsində yayılan məlumatların həqiqəti əks etdirmədiyini qeyd edib:
"15 fevral 2016-cı il tarixdə, umumiyyətlə "Çudo Peçka" MMC-nin idarəçisi olduğum fəaliyyət dövründə, 8-ci mkr. yerləşən "Çudo Peçka" MMC-nin baş ofisinə heç bir maskalı əməkdaş daxil olmayıb və şirkətin idarəçisi həbs edilməyib".
Qeyd edək ki, "Çudo Peçka"nın idarəçisi Azad Abdullayevin iş otağında qandallandığı və buna səbəb də gömrük nəzarətindən keçməyən 7000 ədəd "iPhone" markalı mobil telefonu ölkəyə gətirməsi xəbəri bu gün bir sıra mətbuu orqanlarda yayılıb.
