Bu gündən bəzi dərmanlar yeni qiymətlərlə satılacaq
Bu gündən etibarən qiymətləri təsdiqlənən daha 1 940 dərman vasitəsi yeni qiymətlərlə satışa çıxarılacaq.
Tarif (qiymət) Şurasının qərarına əsasən, topdan və pərakəndə satış qiymətləri tənzimlənən dərmanların sayı 5 651-ə çatıb. İndiyədək qiymətləri tənzimlənmiş dərman vasitələrinin sayı 3 711 idi.
Hər qrup təsiredici maddə üzrə yeni qiymətlərin qüvvəyə minmə tarixindən etibarən həmin qrupa aid olan, lakin qiymətləri hələlik təsdiq edilməyən dərman vasitələrinin satışı yalnız onların qiyməti təsdiq edildikdən sonra həyata keçirilə bilər.
