Azərbaycan QHT rəhbərləri Türkiyə Böyük Millət Məclisində görüşlərdə
Azərbaycandan olan QHT rəhbərləri Türkiyə Böyük Millət Məclisində görüşlərdə olublar.
"İşğala, Terrora və Əsassız İddialara qarşı Beynəlxalq Forum"a daxil olan Qeyri -Hökumət Təşkilatları rəhbərləri Türkiyə Böyük Millət Məclisində AKP-dən olan Iqdırlı millət vəkili ilə görüşdən sonra millət vəkilləri Məmməd Tum, Namiq Halub ilə də görüşüblər.
Daha bir görüş isə Cümhuriyyət Xalq Partiyası sədri Kamal Qılıcdaroğlu ilə olub. Görüş zamanı Azərbaycan nümayəndə heyətinin üzvləri "İşğala, Terrora və Əsassız İddialara qarşı Beynəlxalq Forum"un yaranması və hədəfləri barəsində partiya rəhbərinə geniş məlumat veriblər. Azərbaycan və Türkiyənin ortaq problemlərindən danışan QHT rəhbərləri qeyd ediblər ki, hər iki ölkənin xarici siyasət və milli maraqları geniş formada əlaqələndirilməli və həm Azərbaycana, həm də Türkiyəyə yönələn çirkin əməllərə qarşı birgə fəaliyyət göstərilməlidir.
Xocalı Soyqırımının dünyada tanıdılması üçün Türkiyə Böyük Millət Məclisində böyük müzakirələr aparılması, qərarlar qəbul olunmasının vacibliyi qeyd olunub. Kamal Qılıncdaroğlu Azərbaycanın dərdini anladıqlarını, öz dərdləri hesab etdiklərini dilə gətirdi. Azərbaycan dövləti ölkəsi üçün Qarabağ məsələsində hansı addımları atmaq, nə düşünmək istəyirsə Türkiyədə də istər iqtidar, istərsədə müxalifət eyni fikirdədi. Kamal Qılıcdaroğlu İşğala, Terrora və Əsassız İddialara qarşı Beynəlxalq Forum"a uğurlar diləyərək, bu Forumun bir diaspora kimi formalaşacağına inandığını bildirdi.
