QHT rəhbərləri Türkiyədə Xocalı soyqırımı ilə bağlı tədbirlərdə
QHT rəhbərləri Sakarya və İzmit şəhərlərində Xocalı soyqırımı ilə bağlı tədbirlərdə iştirak etdilər
Türkiyədə səfərdə olan "İşğala, Terrora və Əsassız İddialara qarşı Beynəlxalq Forum"-un nümayəndələri rəhbərləri Sakarya Universitetində təşkil olunana "Xocalı Soyqırımı" panelində iştirak ediblər. Paneldə məruzəçi kimi Azərbaycan millət vəkili Qənirə Paşayeva, Azərbaycanın Türkiyədəki Səfirliyinin təhsil müşaviri Nəcibə Nəsibova, Beynəlxalq Forumun nümayəndələri iştirak ediblər.
Beynəlxalq Forumun nümayəndələri İzmit şəhərində bələdiyyə tərəfindən inşa edilən Xocalı Soyqırımı abidəsi önündə anma mərasimində də iştirak ediblər. Mərasimdə həmçinin Azərbaycan səfirliyinin nümayəndələri, millət vəkili Qənirə Paşayeva, İzmit şəhərinin bələdiyyəsinin rəhbərləri, Azərbaycanın diaspora nümayəndələri və digər qonaqlar iştirak ediblər.
Günün sonunda Azərbaycan QHT rəhbərləri il ə İzmit şəhərində fəaliyyət göstərən yerli dərnək, vakf və digər vətəndaş cəmiyyəti nümayəndələri görüşlər keçiriblər.
Görüş zamanı iki ölkə QHT nümayəndələri, Qarabağ münaqişəsi və ermənilərin türklərə qarşı törədikləri soyqırımı və terrorların beynəlxalq aləmə çatdırılmasında birgə fəaliyyət göstərilməsi istiqamətində iş birliyinin qurulması qərara alınıb.
QHT rəhbərləri həmçinin İstanbulda Türkiyə Müharibə Qaziləri və Ehtiyatda olan Qazilər təşkilatının nümayəndələri ilə görüşdə olublar. Hər işi təşkilat Türkiyə tərəfindən "İşğala, Terrora və Əsassız İddialara Qarşı Beynəlxalq Forum"a bütün istiqamətlərdə dəstək verişməsinə hazır olduqlarını bildiriblər.
