\"8 Martda hansı məktəbdə pul yığılsa...\"

"Birmənalı olaraq şagirdlərdən 8 Martla bağlı pul yığılması qanunsuzdur. Məktəbdə elə mühit olmalıdır ki, həmin yeniyetmələr dəyərlər ruhunda böyüyə bilsinlər"

Bu fikirləri Ölkə.Az-a açıqlamasında Təhsil Nazirliyinin mətbuat xidmətinin rəhbəri Cəsarət Valeh açıqlayıb. Valehov bildirib ki, əgər bununla bağlı hər hansı qanunsuz tələb irəli sürülərsə, valideynlər nazirliyin "qaynar xətt"inə müraciət edə bilərlər:

"Amma təəssüf ki, bir çox hallarda bu kimi müraciətlər anonim xarakter daşıyır və heç kim də ad çəkmək istəmir. Ölkədə 4500 məktəb var və bizim anonim reviziya həyata keçirməyimiz mümkün deyil. Yaxşı olardı ki, valideynlər təhsil mühitinin bir hissəsinə çevrilsinlər. O zaman bizim də işimizə töhfə vermiş olarlar"

İntiqam VALEHOĞLU
Ölkə.az