Bakı Apellyasiya Məhkəməsinə yeni hakim təyin edildi
Azərbaycan Milli Məclisinin bu gün keçirilən iclasında 1 saylı Bakı İnzibati-İqtisadi Məhkəməsinin sədr əvəzi Müseyib Abbas oğlu Hüseynovun vəzifəsindən azad olunması ilə bağlı ərizəsinə baxılıb.
Ölkə.Az APA-ya istinadən xəbər verir ki, layihə barədə məlumat verən Hüquq siyasəti və dövlət quruculuğu komitəsinin sədri Əli Hüseynli bildirib ki, M. Hüseynov ərizə ilə iş yerinin dəyişdirilməsini rəhbərlikdən xahiş edib və ölkə başçısına göndərilən ərizə baxılması üçün Milli Məclisə təqdim olunub.
Ərizədə onun vəzifəsinin dəyişdirilərək Bakı Apellyasiya Məhkəməsinin hakimi təyin edilməsi məsələsi xahiş edilir.
Məsələ səsə qoyularaq qəbul olunub.
