İki gün öncə işdən çıxarılan icra başçısı villasını satır

Ölkə.Az xəbər verir ki, vətəninfo.az saytına bu barədə məlumat daxil olub.

Məlumatda qeyd edilir ki, Salyan Rayon İcra Hakimiyyətinin başçısı Tahir Kərimov ölkə rəhbərinin müvafiq sərəncamı ilə tərəfindən tutduğu vəzifəsindən azad edildikdən sonra, Salyan rayonundakı əmlaklarından da qurtulmağa çalışır.

Adının çəkilməsini istəməyən Salyan Rayon İH-dəki şəxs bildirib ki, Tahir Kərimov icra başçısı kimi fəaliyyəti dövründə İH inzibati binasının yaxınlığında özünə dəbdəbəli villa inşa etdirib. Vəzifədən isə gözlənilmədən uzaqlaşdırılan Kərimov mülklərini alması üçün rayondakı imkanlı şəxslərə təkliflər edib.

Daxil olan məlumatda bildirilir ki, satmaq istədiyi mülklər arasında ilk olaraq rayonda əzəməti ilə seçilən villasıdır.

Məlumata görə, Tahir Kərimov villasından sadəcə olaraq geyim əşyaların götürüb və villanı içərisindəki bahalı mebelləri ilə birlikdə satır.

Qeyd edək ki, sabiq başçının heç bir telefon nömrəsinə zəng çatmır.

Ölkə.Az