79 nəfər dəm qazından zəhərlənib
“Mart ayının 10 günü ərzində 10 nəfər dəm qazından zəhərlənmə diaqnozu ilə Respublika Toksikologiya Mərkəzinə müraciət edib”.
Bu barədə Azərbaycan Səhiyyə Nazirliyi Klinik Tibbi Mərkəzin (KTM) Toksikologiya şöbəsinin müdiri Azər Maqsudov bildirib.
Onun sözlərinə görə, cari il ərzində 79 nəfər dəm qazından zəhərlənib: “Onlardan 35 nəfəri yanvar ayında, 34 nəfəri fevralda, 10 nəfər isə mart ayında dəm qazından zəhərlənmə diaqnozu ilə Respublika Toksikologiya Mərkəzinə müraciət edib. Hazırda 2 uşaq Respublika Toksikologiya Mərkəzində dəm qazı zəhərlənməsindən müalicə alır. Onların hər iki valideyni dəm qazından dünyasını dəyişib”.
