3 uşaq anası olan Arzunun son ümidi sizsiniz...
“Analıq gözəl və əzablı bir vəzifədir. İnsan öz anasının borcundan heç vaxt çıxa bilməz. Heç nə ilə. Hətta bütün həyatını ona həsr etsə belə.
Ana bütün dünyanın qarşısında baş əydiyi, hər insana bircə dəfə verilən nemətdir. Əgər anan xəstədirsə, sən yaşından, mövqeyindən asılı olmayaraq, onu xilas etmək üçün bütün vasitələrə əl atırsan. Yetər ki, onu xilas edə biləsən”.
Sumqayıtdan Zülfüqar adlı 24 yaşlı gənc redaksiyamıza gələrək, anasına kömək üçün “Bizimyol.info “saytına müraciət etdi:
“Ailədə 3 uşağıq və böyüyü mənəm. Hal- hazırda çox böyük faciə ilə üz üzəyik.. Anam Arzu Həsənquliyeva 1967 -ci təvəllüdlüdür, 48 yaşı var. 2012-ci ildən xərçəng xəstəliyindən əziyyət çəkən anamızı xilas eləmək üçün demək olar ki, “vuruşuruq”. Anam 4 ildir ağır xəstəliyə tutulub. Təəssüflə bildirirəm ki, azərbaycanlı həkimlər ona kömək etmək əvəzinə vəziyyətini daha da ağırlaşdırıblar. Öz həkimlərimizə bütün ümidləri itirdiyimiz üçün iranlı mütəxəssislərə üz tutduq. Müalicənin birinci mərhələsi uğurlu keçib. Ancaq anam bir neçə mərhələli müalicə kursu keçməlidir. Dörd il aldığı müalicəyə xeyli vəsait xərcləməyimizə baxmayaraq , nəticə verməyib. Və ailəmin maddi durumu da sıfıra düşüb.