Azyaşlı məhkumlar şəhər gəzintisində
Penitensiar xidmətin Tərbiyə müəssisəsində nümunəvi davranışı ilə seçilən yetkinlik yaşına çatmayan məhkumların xidmət əməkdaşlarının müşayiətilə müəssisənin hüdudlarından kənarda mədəni-kütləvi tədbirlərdə iştirakı davam edir.
Məhkum yeniyetmələrlə bağlı növbəti belə tədbir 14.03.2016-cı il tarixdə keçirilib. Yeniyetmələr – Şahbazov Ayəddin, Əsədov Elman və Mailov Oqtay arzuları nəzərə alınaraq ilk olaraq Fəxri Xiyabanda Ümummilli Lider Heydər Əliyevin məzarını və Şəhidlər Xiyabanını ziyarət ediblər.
Qala Dövlət Tarix Etnoqrafiya Qoruğunda gəzintidən və filmə tamaşadan sonra Tərbiyə müəssisəsinə qayıdan məhkumlar onlara yaradılmış bu imkana, məhkumlara göstərilən diqqət və qayğıya görə ölkə rəhbərliyinə minnətdarlıqlarını bildiriblər.
