Nərimanov seçiciləri deputatlarını tanımadılar
Ölkə.Az respublika əhalisi arasında yeni silsilə sorğulara start verib
Bu dəfə çəkiliş qrupumuz Bakının və Azərbaycan Respublikasının müxtəlif rayonlarının sakinləri arasında "Seçkilərdən sonra deputatınızı görmüsünüzmü?" adlı maraqlı sorğu keçirib.
Bugünkü və sayca ikinci sorğumuzu Bakının Nərimanov rayonunda davam etdiririk. Xatırladırıq ki, paytaxtın ən böyük rayonlarından biri olan Nərimanovda üç seçki dairəsi var. Bu rayonun əhalisi 3 deputata Milli Məclisdə oturmaq üçün mandat verib. Rayonun deputatları aşağıdakılardır:
18 saylı Nərimanov-Nizami seçki dairəsi – Musabəyov Rasim Nəsrəddin oğlu
19 saylı Nərimanov birinci seçki dairəsi – Məmmədov Hikmət Baba oğlu
20 saylı Nərimanov ikinci seçki dairəsi – Əliyev Adil Abış oğlu
Sorğunun nəticəsində məlum oldu ki, seçki ərəfəsində deputatlığa namizədlər hər gün gəlib rayon sakinlərindən səs istəsələr də, seçkilərdən sonra bir dəfə də olsun ərazidə görünməyiblər.
Qeyd edək ki, Nərimanov rayonunun sakinlərinin böyük bir hissəsi heç deputatlarının adlarını belə bilmədilər.
Həmin videosorğunu sizə təqdim edirik:
