“Azərbaycan Dağlıq Qarabağı güzəştə getməyəcək”
Vyetnamın çoxsaylı oxucu auditoriyasına malik olan VOV (Voice of Vietnam) elektron qəzetində cari ilin 6 aprel tarixində Azərbaycanın Vyetnamdakı Səfirliyi tərəfindən keçirilmiş mətbuat konfransına istinadən dərc olunmuş xəbərdə Azərbaycanla Ermənistan arasında atəşkəsin razılaşdırılmasına baxmayaraq, Azərbaycan tərəfinin Dağlıq Qarabağ üzərində suverenliyini bərpa etmək fikrindən heç zaman daşınmayacağını vurğulanmışdır.
Xəbərdə, Azərbaycanın münaqişəni sülh yolu ilə həll etmək niyyətində olduğu bildirilir, lakin 5 aprel tarixində əldə olunmuş atəşkəsin Ermənistan tərəfindən pozulacağı təqdirdə Azərbaycanın buna cavab verməkdən çəkinməyəcəyi qeyd olunur.
Dərc olunmuş xəbərdə, Dağlıq Qarabağ regionunun Azərbaycana məxsus olduğunun beynəlxalq ictimaiyyət tərəfindən tanındığı bildirilir, bununla bağlı BMT Baş Assambleyasının və Təhlükəsizlik Şurasının bir sıra qətnamələrinin mövcud olduğu və həmin sənədlərin Ermənistan silahlı qüvvələrinin Azərbaycanın işğal olunmuş ərazilərindən dərhal və qeyd şərtsiz çıxarılmasının tələb olunduğu vurğulanır.
Xəbərdə həmçinin, Ermənilər tərəfindən işğal olunmuş Dağlıq Qarabağ və ətraf yeddi rayonda yerləşdirilmiş Ermənistan silahlı qüvvələrinin Azərbaycanın sərhədyanı kəndlərini atəşə tutması nəticəsində 2-3 Aprel tarixlərində tərəflər arasında qanlı toqquşmaların olduğu qeyd olunur və Azərbaycanın müvafiq qaydada hərbi cavab tədbirləri gördüyü bildirilir.
Xəbərdə Ermənistan silahlı qüvvələrinin Azərbaycan kəndlərini atəşə tutduğu bir sıra yüksəkliklərin son toqquşmalar zamanı Azərbaycan silahlı qüvvələri tərəfindən geri alındığı bildirilir. Atəşkəsin bərpa olunmasına baxmayaraq son hadisələrə kimi Ermənilərin işğal altında olmuş Azərbaycanın bu yüksəkliklərinin geri qaytarılmayacağı qeyd olunur.
Xəbərdə, Azərbaycan hökumətinin Azərbaycan Respublikasının ərazi bütövlüyü çərçivəsində Dağlıq Qarabağa yüksək statuslu muxtariyyətin verilməsə hazır olduğu vurğulanır.
