Şəhid Teymur Qasımov böyük izdihamla son mənzilə yola salınıb
Azərbaycan ordusunun şəhid olan əsgəri 1992-ci il təvəllüdlü Qasımov Teymur Sabir oğlu Mingəçevir Şəhidlər Xiyabanında torpağa tapşırılıb.
Ölkə.Az xəbər verir ki, dəfn mərasimində Müdafiə Nazirliyinin, Səfərbərlik və Hərbi Xidmətə Çağırış üzrə Dövlət Xidmətinin nümayəndələri, Mingəçevir İcra Hakimiyyətinin, rayon hüquq mühafizə orqanlarının rəhbərliyi, kənd sakinləri ilə yanaşı, şəhidin qulluq etdiyi hərbi hissənin əsgər və zabitləri, rayon ictimaiyyəti də iştirak edib.
Dəfn mərasimində “Şəhidlər ölməz, Vətən bölünməz” şüarı səsləndirilib, şəhid əsgər yaylım atəşi altında son mənzilə yola salınıb.
Mərasimdə çıxış edənlər qüdrətli Azərbaycan ordusunun düşmənə hər an tutarlı cavab verməyə hazır olduğunu, şəhidlərimizin qanının yerdə qalmayacağını, Prezident, Ali Baş Komandan İlham Əliyevin ətrafında sıx birləşərək onun əmrini gözlədiklərini bildiriblər.
Qeyd edək ki, may ayının 14-ü Şəhid Qasımov Teymurun Mingəçevir şəhərində şadlıq sarayların birində nişan mərasimi keçirəcəkdi.
