\"Ermənistan hərbi qüvvələri Dağlıq Qarabağ və ətraf 7 rayondan sülh yolu ilə çıxarılmalıdır\"

Fransalı Senator, Müluz Aqlomerasiyasının prezidenti Jan Mari Bokel aprelin 1-dən 2-nə keçən gecə Ermənistanın Azərbaycana qarşı həyata keçirdiyi işğalçı siyasətinin davamı olaraq Ermənistan tərəfindən həyata keçirilmiş hərbi təxribatı ciddi olaraq pisləyib və bu təxribat nəticəsində Azərbaycanlı əsgərlərin və mülki vətəndaşların həlak olması məlumatı ilə bağlı kədərləndiyini bildirib.

Azərbaycanın Dağlıq Qarabağ regionunun Ermənistan tərəfindən qeyri-qanuni olaraq işğalı ilə bağlı yeni insan itkiləri ilə bağlı Senator baş sağlığı ifadə edib.

Münaqişənin sülh yolu ilə ölkələrin ərazi bütövlüyü çərçivəsində həll edilməməsində ATƏT-in Minsk Qrupunun həmsədrlərinin kifayət qədər diqqət yetirməməsindən və bu səbəbdən də qəbuledilməz status-kvonun uzun illər qalmasından və bunların nəticəsində bu gün faciəvi qarşıdurmanın baş tutmasından Jan Mari Bokel çox kədərləndiyini qeyd edib.

Senatorun fikrincə Ermənistan beynəlxalq hüquqa, xüsusilə də BMT-nin Təhlükəsizlik Şurasının Ermənistan-Azərbaycan Dağlıq Qarabağ münaqişəsi ilə bağlı qəbul etdiyi 4 qətnamələrin icrasına hörmətlə yanaşmalıdır və Ermənistan hərbi qüvvələri Azərbaycanın qeyri-qanuni işğal edilmiş Dağlıq Qarabağ və ətraf 7 rayonundan sülh yolu ilə çıxarılmalıdır.

Azərbaycan dövlətinin sülhsevər siyasət yürütməsinin nəticəsi olaraq işğal olunmuş ərazilərdə Azərbaycanın Ermənistana qarşı əks-həmlə əməliyyatını və cavab tədbirlərini birtərəfli qaydada dayandırmasını və BMT-nin məlum qətnamələrinin sülh yolu ilə icrasının təmin edilməsi üçün sülh danışıqlarının davam etdirilməsi niyyətini və bununla da bu faciəvi eskalasiyanın qarşısını alımasını alqışlayan Senator Jan Mari Bokel Ermənistanı da analoji addım atmağa dəvət edibdir.

Ölkə.Az