Nemət Pənahlı və bacısı oğlu saxlanıldı
Daxili İşlər Nazirliyi (DİN) Nemət Pənahlının polis tərəfindən saxlanılmasına münasibət bildirib.
Ölkə.Az xəbər verir ki, nazirliyin mətbuat xidmətinin şöbə rəisi Orxan Mansurzadə APA-ya bildirib ki, N.Pənahlı polis əməkdaşları ilə mübahisə etdiyi üçün saxlanılıb və xəbərdarlıq edildikdən sonra sərbəst buraxılıb.
Qeyd edək ki, N.Pənahlı bu gün yaşadığı evin qarşısında saxlanılaraq Nəsimi rayon Polis İdarəsinin 21-ci Polis Bölməsinə aparılıb.
***
Polis Milli Dövlətçilik Partiyasının sədri Nemət Pənahlı və onun bacısıoğlu Əbülfəz Allahverdiyevi saxlayıb.
Ölkə.Az Report-a istinadən xəbər verir ki, buna səbəb N.Pənahlının Azərbaycan Xalq Cəbhəsi Partiyasının sədri Əli Kərimlinin yaşadığı binanın qarşısında keçirilən aksiyaya etiraz etməsi olub.
Partiya sədri özünün də həmin binada yaşadığını əsas gətirərək, rahatlığının pozulduğunu bildirib və etiraz aksiyasının dayandırılmasını istəyib. Bununla da aksiya iştirakçıları ilə N.Pənahlı arasında mübahisə yaşanıb. Nəsimi Rayon Polis İdarəsinin 21-ci polis bölməsinin əməkdaşları onu və bacısı oğlu Ə.Allahverdiyevi saxlayıb.
