\"Ermənistan Rusiyanın mülkiyyətidir\"

Cəbhədə gedən döyüşlərdən sonra erməni cəmiyyətində Dağlıq Qarabağla bağlı fikir ayrılığı yaranıb.

Erməni əhalisi ölkə iqtidarının apardığı siyasətə qarşı çıxmağa başlayıb.

Ermənistanda baş verəcək proseslərlə bağlı Təhlükəsizlik Araşdırmaları Mərkəzinin rəhbəri, Milli Təhlükəsizlik Nazirliyinin keçmiş polkovniki, müstəqil ekspert İlham İsmayıl Ölkə.Az-a danışıb:

"Ermənistanda Dağlıq Qarabağla bağlı fikir ayrılığının yaranmasının əsas səbəbi Sarkisyana müxalif qüvvələrin hərəkətidir. Ancaq müxalif qüvvələrin sabah gəlib Qarabağ məsələsində fərqli mövqe tutmağı gözlənilmir. Ermənistanda qərbyönümlü siyasi partiya yoxdur. Ermənilər çıxış yolunu yalnız və yalnız Rusiyada görürlər. Rusiyanın siyasəti də imkan verməz ki, Ermənistanda əsaslı dönüş baş versin.

Vaxtı ilə Ermənistan parlamentində elə bir vəziyyət yaratdılar ki, müxalif ola biləcək adamların qətliamını həyata keçirdilər. Rusiyanın Ermənistanda həm iqtisadi, həm də siyasi dayaqları çox güclüdür. Ermənistan daxilində baş verən fikir ayrılığından sonra çox güman ki, ön cəbhədəki postlara daha çox Qarabağ ermənilərini yerləşdirsinlər".

Səxavət Məmməd
Ölkə.Az