Tərtərin Qapanlı kəndi minalardan təmizlənir
Azərbaycan Ərazilərinin Minalardan Təmizlənməsi üzrə Milli Agentlik (ANAMA) Tərtər rayonunun cəbhəyanı ərazilərinin minalardan təmizlənməsinə başlayıb.
Ölkə.Az xəbər verir ki, bu barədə Trend-ə Tərtər rayon İcra Hakimiyyətindən məlumat verilib.
Məlumata əsasən, ANAMA tərəfindən Qapanlı kəndindəki həyət evlərində təmizləmə və zərərsizləşdirmə işlərinə başlanılıb.
Döyüş zamanı rayona dəymiş ziyanın aradan qaldırılması işləri davam etdirilir.