Vaqif Əsədovun “Hafka”nın bankında batdığı əmanətinin həcmi məlum olub
“2016-cı il yanvarın 18-də lisensiyası ləğv edilən “Bank of Azerbaijan” ASC-də Bakı şəhər Dövlət Yol Polisi İdarəsinin ictimaiyyətlə əlaqələr şöbəsinin rəisi, polis polkovniki Vaqif Əsədovun 1 milyon 200 min dollar əmanəti var”.
Bu barədə “Ölkə.az”-a “Bank of Azerbaijan” ASC-nin sabiq əməkdaşı bildirib.
O, deyib ki, bankın lisensiyası ləğv olunandan sonra Vaqif Əsəsdov həmin əmanətləri götürməyi qərara alıb:
“Ancaq bankda Vaqif Əsəsdovun pullarını qaytarmaq üçün bu qədər vəsait yoxdur”.
Bankdan pulunu ala bilməyən Vaqif Əsədovun xidməti avtomoboli ilə Hafiz Məmmədovun yolunu kəsdiyi və aralarında ciddi münaqişənin yarandığı haqda bu gün xəbər vermişdik. (“Hafka” Vaqif Əsədovla “əlbəyaxa” oldu — ŞOK TƏFƏRRÜAT - EKSKLÜZİV)
“Ölkə.az” olaraq Bakı şəhər Dövlət Yol Polisi İdarəsinin ictimaiyyətlə əlaqələr şöbəsinin rəisi, polis polkovniki Vaqif Əsədovla telefon əlaqəsi saxlamağa çalışsaq da, zənglərimizə cavab verən olmayıb.
Xatırladaq ki, lisensiyası ləğv edilən “Bank of Azerbaijan” ASC “Bakı” futbol klubunun prezidenti, “Baghlan Group FZCO”-nun prezidenti Hafiz Məmmədova məxsus olub.
Elçin Əli
