Ermənilərin fermer təssərrüfatlarına vurduğu ziyanıdövlət bərpa edəcək

"Ermənilərin ağır artilleriya qurğularından atdığı mərmilərin düşdüyü "Qara inək" fermer təssərrüfatı Dövlət tərəfindən yenidən bərpa olunacaq. Sahibkara dəymiş ziyan ödəniləcək". 

Ölkə.Az Report-a istinadən xəbər verir ki, bunu İqtisadiyyat Nazirliyi Sahibkarlığa Kömək Milli Fondunun icraçı direktoru Şirzad Abdullayev bildirib.

Ş.Abdullayev əlavə edib ki, fermer təssərrüfatının genişləndirilməsi və təssərrüfatın yanında yeni süd emalı zavodunun tikilməsi də nəzərdə tutulub: "Təkcə "Qara inək" fermer təssərrüfatı yox, cəbhəboyu ərazilərdə yerləşən və ermənilərin vandallığı nəticəsində ziyan dəymiş bütün fermer təssərrüfatlarına dövlət tərəfindən dəstək olunacaq. Sahibkarlara yenidən kreditlər veriləcək ki, həmin sahibkarlar təssərrüfatlarını bərpa edə bilsinlər". 

Qeyd edək ki, aprelin 27-dən 28-ə keçən gecə erməni silahlı bölmələri tərəfindən atəşkəsin pozulması nəticəsində rayonun Ağdam rayonunun Əfətli kəndində yerləşən fermer təsərrüfatına ciddi ziyan dəyib. Təssərrüfata düşən qrad və top mərmisi nəticəsində 11 baş iribuynuzlu heyvan ölüb, 19-u isə yaralanıb. Təssərrüfatda olan texniki avadanlıqlar, o cümlədən dəyəri 30 min avro olan südsağma və soyuducu aparatlar yararsız hala düşüb.

Məlumat üçün bildirək ki, “Qara inək" MMC fermer təsərrüfatı İqtisadiyyat Nazirliyi Sahibkarlığa Kömək Milli Fondunun ayırdığı güzəştli kredit hesabına qurulub. Təssərüfata inəklər Almaniyadan və digər xarici ölkələrdən gətirilib və hər birinin qiyməti 5 min manatdır.

Ölkə.Az