Mobil telefonlar xərçəng yaradırmı?
Avstraliyada aparılan 29 illik araşdırmanın nəticəsinə görə, mobil telefonlar beyin xərçənginə səbəb olmur.
Ölkə.Az OpTime-a istinadən xəbər verir ki, bu yaxşı xəbər smartfon telefon istifadəçilərinə Avstraliyadan gəlib.
Mobil telefonların beyin xərçənginə səbəb olub-olmadığını müəyyənləşdirən araşdırmanın nəticəsinə görə, telefonların xərçəngə səbəb ola biləcəyi hər hansı bir təhlükəyə rast gəlinməyib.
1982-2013-cü illər ərzində beyin xərçəngi olan xəstələr üzərində aparılan araşdırma nəticəsində mobil telefondan istifadənin xərçəngə səbəb olmadığı müəyyənləşib.
Belə ki, mobil telefonların yayılmasından sonra beyin xərçəngi kişilərdə daha çox olsa da, qadın xəstələrdə buna daha az rast gəlinib. Bu statistik məlumatı qiymətləndirən qrup mobil telefonlar ilə beyin xərçəngi arasında birbaşa əlaqənin olmadığı qənaətinə gəlib.
Qeyd edək ki, qanuna əsasən xərçəng diaqnozu qoyulan bütün xəstələrin qeydiyyata alındığı Avstraliya bu sahədə statistik məlumatlara söykənən bir araşdırma aparılması üçün olduqca münasib bir ölkədir.
