Mikayıl Cabbarov işdən çıxarılan rektora vəzifə verdi
Azərbaycan prezidenti İlham Əliyevin sərəncamı ilə işdən çıxarılan Azərbaycan Dövlət Pedaqoji Universitetinin rektoru Yusif Məmmədova yeni vəzifə verilib.
Ölkə.Az azxəbər.com-a istinadən xəbər verir ki, 2 gün öncə ADPU rektoru vəzifəsindən azad olunan Yusif Məmmədov Təhsil Nazirinin müşaviri vəzifəsinə təyin olunub.
Xatırladaq ki, Yusif Əbülfət oğlu Məmmədov 24 yanvar 1950-ci ildə Qərbi Azərbaycan Sisiyan rayonunun Dəstəgird qəsəbəsində anadan olub.
1966-cı ildə orta məktəbi "Qızıl medal"la bitirərək Azərbaycan Dövlət Universitetinin (indiki Bakı Dövlət Universiteti - red.) Mexanika-riyaziyyat fakültəsinə daxil olub, universiteti əla qiymətlərlə bitirdikdən sonra 1971-ci ildə təyinatla ADU-nun Riyazi-fizika tənlikləri kafedrasında saxlanılıb, bu kafedrada assistentdən professor vəzifəsinədək yüksəlib.
2000-2004-cü illərdə BDU-nun Tətbiqi riyaziyyat və kibernetika fakültəsinin dekanı,
2004-2006-cı illərdə BDU-nun I prorektoru - Elmi işlər üzrə prorektoru vəzifələrində çalışıb.
2006-cı il aprelin 21-də isə Azərbaycan Respublikası Prezidenti İlham Əliyevin sərəncamı ilə Azərbaycan Dövlət Pedaqoji Universitetinin rektoru vəzifəsinə təyin edilib.
1974-cü ildə namizədlik, 1990-cı ildə isə doktorluq dissertasiyası müdafiə edib, fizika-riyaziyyat elmləri doktorudur.
