Su əvəzinə palçıq gəlir
Şəki sakinləri illərdir su üzünə həsrət qalıblar. Xüsusilə də yaz aylarında, yağışlar dövründə bulaqlardan su əvəzinə sözün əsl mənasında palçıq gəlir. Su nə təmizlənir, nə də strelizə olunur.
Ölkə.Az Region TV-yə istinadən xəbər verir ki, ilin əksər vaxtlarında suyun lilli gəlməsi artıq adi hal alıb. Şəhərin su təmizləyici qurğularının işlək vəziyyətdə olmaması, mövcud sistemin əhalinin təlabatını ödəyə bilməməsi, su təmizləyici aqreqatların yoxluğu vəziyyətin acınacaqlı hal almasına gətirib çıxarıb.
Şəki Su Kanal TSC–dən bildirilib ki, məsələdən xəbərdardırlar və hazırkı vəziyyətdə bu problemin həlli qeyri-mümkündür. Lakin şəhərin içməli su ilə təminatının yaxşılaşdırılması istiqamətində mərhələli şəkildə işlər həyata keçirilir. Artıq ilk iki mərhələ yekunlaşıb.
