Azərbaycanlı qız Türkiyənin ən savadlı 20 tələbəsindən biri oldu
Türkiyənin Gazi Universitetinin tələbəsi Aytək Məmmədli Türkiyənin ən savadlı 20 tələbəsindən biri olub.
Ölkə.Az xəbər verir ki, azərbaycanlı tələbə qız bu haqda sosial şəbəkədə özü yazıb. Aytək Məmmədli Türkiyədə dəqiq elmlər sahəsi üzrə indiyədək məzun olan xarici tələbələr içində ən yüksək ortalama balı toplayan tələbə olub.
Qeyd edək ki, diplomun tələbələrə təqdimat mərasimində Türkiyə hökumətinin üzvləri, nazirlər də iştirak ediblər. Azərbaycanlı tələbəyə diplomu Xarici İşlər Naziri Mövlud Çavuşoğlu təqdim edib.
May ayının 19-da bu 20 tələbəyə Türkiyə baş nazirinin iqamətgahında Rəcəb Tayyib Ərdoğanın iştirakı ilə ziyafət veriləcək.
