\"Hakimiyyətin ruporuna çevrilən siyasi ölülər gördüyümüz işlərə pər vurmağa çalışırlar\"

O zaman hakimiyyəti qoyub qaçanlar, bu gün bizim sistemli mübarizəmizi ləkələmək üçün qaraguruhla məşğul olaraq qaralamağa çalışırlar. Bizim millətimiz üçün ortaya qoymaq istədiyimiz layihələrimizə əngəl törətməyə cəhd edən o kəslər, "ölülər" və ya "4-cü qrup siyasi əlillər" öz məkrlərinin qurbanına çevriliblər.

Bu sözləri Ölkə.Az-a Azərbaycan Xalq Cəbhəsi Partiyasının sədr müavini Cavid Musazade deyib.

O qeyd edib ki, dünənə qədər hakimiyyətdəki müxtəlif qruplardan qidalanıb onların ruporuna çevrilmiş, siyasi qrup kimi fəaliyyət göstərib adını "mübarizə" qoyub səmimi insanların xəyalları üzərində acı-ironik idarəçilik həyata keçirən, bu gün bizə hakimiyyətin yandaşı deyən, lakin müxalifətçiliyi imitasiya etməyin ustası olmaqları ilə öyünən, bu yolda rəqibsiz olduqlarını iddia edən, hakimiyyətdəki “qlavar”larına özlərini təsdiqləmək eşqilə sırımağa çalışan, yandaş olan "ənənəvi liderlər" nədən belə narahatdırlar?

"Əgər AXCP-ni cəmiyyət qəbul etmirsə, qorxunuz nədəndir o zaman, nədən partiyanın sədrliyinə Razi Nurullayev keçdikdən sonra millətimiz naminə ortaya qoymaq istənilən layihələrə, xüsusən xalqın yaralı yeri, dövlətin əsas problemi olan Qarabağ müharibəsinin uğurla yekunlaşmasını ehtiva edən "Vahid Qərar Şurası" təklifinə "pər" vurmağa çalışırsınız? Bizim ölülərlə məşğul olmağa onsuz da vaxtımız yoxdur. Biz cəmiyyətdə tanınmış, insanlar tərəfindən qəbul edilən həqiqi ziyalılarımızla, ictimai-siyasi xadimlərimizlə, cəmiyyətimizin aydınlarıyla onsuz da bu işi sizsiz həyata keçirəcəyik. Hər zamankı kimi, siz nə qədər çaba göstərsəniz də karvan yürüyəcək. Bizim görüşdüyümüz ziyalılara söyüş maşını üsulu ilə təzyiq etmə cəhdləriniz boşunadır. Sizlərin ənənəvi söyüş maşınlarınızın dişləri artıq bizim tərəfimizdən sındırılıb. Sınmayanlar da korşalıb. Yoldan çəkilin! Vaxtıyla məhbus olmalarına səbəb olduğunuz, ayıldığı zaman dışladığınız həqiqi səmimi siyasətçilər, qəlbi milləti üçün döyünən gənc siyasətçilər meydan istəyir. Istədiklərini verinki zorla almasınlar! Necə ki, biz aldıq".

Ölkə.Az