Şəhidlərin medalları ailələrinə verildi
Aprelin 2-dən 5-dək təmas xəttində ermənilərin təxribatının qarşısını alarkən canlarından keçən igid oğulların xatirəsi anılıb.
Ölkə.Az Kəpəz TV-yə (Region TV) istinadən məlumatına görəxəbər verir ki, prezident İlham Əliyevin sərəncamına əsasən, Yuxarı Salahlı kənd sakini 26 yaşlı baş leytenant Elvin Namazov "Vətən uğrunda", Fərəhli kənd sakini 32 yaşlı kapitan Mühid Orucov "İgidliyə görə", 20 yaşlı əsgər Orxan Əliyev isə "Hərbi xidmətdə fərqlənməyə görə 3-cü dərəcəli medalla təltif olunub. Qazaxda keçirilən anım tədbirində onların keçdiyi qısa, lakin şərəfli ömür yoluna nəzər salınıb.
Şəhidlərin medalları ailələrinə təqdim edilib.
