DYP-nin arayışı lazım deyil

Azərbaycanda avtomobil qəzaları zamanı sığorta ödənişini almaq üçün Dövlət Yol Polisindən (DYP) arayış almaq lazım olmayacaq. Maliyyə Nazirliyi tərəfindən verilən məlumatına görə, bu, "Fiziki şəxslərə təqdim edilən avtomobil nəqliyyatı vasitələrinin tam sığortası üzrə sığorta qaydaları"nda nəzərdə tutulub.

Sənədin " Hadisə ilə bağlı təsdiqedici sənədin tələb olunmaması" bölməsində bildirilir ki, avtomobil qəzası zamanı 3 şərt mövcud olduğu halda sığorta şirkəti DYP-dən arayış tələb edə bilməyəcək.

1-ci şərt hadisənin günahkarının kimliyi ilə bağlı tərəflər arasında mübahisənin olmaması, 2-ci şərt hadisə nəticəsində sağlamlığa zərər dəyməməsidir. 3-cü şərt isə hadisə nəticəsində dəymiş zərərin həcminin 1000 manatı keçməməsidir.

Belə olduqda ödəniş yol polisinin arayışı tələl edidmədən verilməlidir. Qeyd edək ki, indiyədək hadisə ilə bağlı DYP-dən arayışın tələb edilib-edilməməsini sığorta şirkəti özü həll edirdi./Fins.az/

Ölkə.Az