Sabah bulvarda atraksionlar uşaqlar üçün pulsuz olacaq
Sabah dənizkənarı bulvarda atraksionlar pulsuz olacaq.
Dənizkənarı Bulvar İdarəsinin rəis müavini Nazim Məcidov Ölkə.Az-a bildirib ki, 1 İyun-Uşaqların Beynəlxalq Müdafiəsi Günündə Dənizkənarı Milli Parkda uşaqlar atraksion və karusellərin əksəriyyəti, qatarlar uşaqların pulsuz istifadəsinə veriləcək.
Onun sözlərinə görə, atraksionlardan pulsuz istifadə 15 yaşına qədər olan uşaqlar üçün nəzərdə tutulub.
Nazim Məcidov qeyd edib ki, uşaqların atraksionlardan pulsuz istifadə etməsi sabah saat 09:00-dan 15:00-dək mümkün olacaq.
