İTV: Bizim şərhçi tapmaqda çətinliyimiz yoxdur
İyunun 10-dan İctimai Televiziya və Radio Yayımları Şirkəti futbol üzrə Avropa Çempionatının yayımına start verir.
İTV-nin İctimaiyyətlə əlaqələr şöbəsindən Ölkə.Az-a verilən məlumata görə, qitə birinciliyinin ilk oyunu Bakı vaxtilə saat 23:00-da göstəriləcək. Futbol azarkeşlərinin bu möhtəşəm oyuna böyük marağını nəzərə alan şirkət rəhbərliyi bu sahə üzrə ixtisaslaşmış "İdman Azərbaycan" kanalının pesəkar mütəxəssislərini də İTV-nin icmalçıları ilə birgə oyunları şərh etməyə dəvət edib.
Futbol uzrə Avropa Çempionatının əsas yayımçısı olaraq bəyan edirik ki, bu təcrübə bir çox ölkələrdə tətbiq olunur və bunun, bəzi saytların iddia etdiyi kimi, "İTV-nin şərhçi tapmaqda çətinlik çəkməsi" uydurması ilə heç bir əlaqəsi yoxdur.
