Çirkli pulları Azərbaycanda yuyan kibercinayətkar həbs olunub

Ölkə.Az xəbər verir ki, çox böyük kiber-quldurluq əməliyyatı həyata keçirərək ABŞ-ın nüfuzlu maliyyə institutlarını, o cümlədən JP Morgan bankını talayan İsrail vətəndaşı Geri Şalon Nyu-Yorkda məhkəmə qarşısında dayanıb. O, irəli sürülmüş ittihamlar üzrə özünü təqsirli bilməyib.

Geri Şalon müştərilərin məlumatlarını oğurlayıb onların bank hesablarını talayan, habelə qeyri-leqal internet-kazino təşkil edən, birja maxinasiyaları həyata keçirib yüz milyonlarla dollar əldə edən mütəşəkkil cinayətkar qruplaşmanın əsas üzvlərindən biridir. İstintaq sənədlərinə əsasən, qruplaşmanın dünyanın ondan çox ölkəsində haker qrupları fəaliyyət göstərib. Qanunsuz əməliyyatlardan əldə edilən vəsait Kipr, Azərbaycan və İsveçrə banklarına transfer edilib, oradan leqallaşdırılıb.

ABŞ prokurorluğu qruplaşmaya dünyanın bir neçə ölkəsindən yüzlərlə cinayətkarın daxil olduğunu bildirir.

İlhamə
Ölkə.Az