Bir neçə gün su olmayacaq
Kür çayında suyun bulanıqlığının artması ilə əlaqədar bəzi yaşayış məntəqələrinə içməli suyun verilməsində məhdudiyyətlər olacaq.
Azərsu ASC-nın mətbuat xidmətindən Ölkə.Az-a verilən məlumata görə, son günlər intensiv yağıntılarla əlaqədar Kür çayında suyun bulanıqlığı dəfələrlə artıb. Bununla əlaqədar Kür Sutəmizləyici Qurğularında suyun emalı mümkün olmadığından Kür-Bakı, Şirvan-Muğan və Saatlı-Sabirabad qrup su kəmərləri ilə suyun nəqli dayandırılıb. Bu gün ərzində Şirvan, Hacıqabul, Sabirabad, Saatlı və Biləsuvar şəhərlərinə, həmçinin Bakı şəhərinin Qaradağ rayonunun, Badamdar, Binəqədi, Biləcəri, Xocasən qəsəbələrinin bir hissəsinə içməli suyun verilməsində məhdudiyyətlər olacaq.
Nizami və Xətai rayonlarının bəzi ərazilərində isə su təchizatı qrafikli rejimə keçiriləcək. Yaranan narahatlıqla əlaqədar “Azərsu” ASC abonentlərdən üzr istəyir.
