Azərbaycan Türkiyədə keçirilən beynəlxalq hərbi təlimdə iştirak edir

Azərbaycan Türkiyədə keçirilən "İşıq-2016" beynəlxalq hərbi təlimdə iştirak edəcək.

Ölkə.Az "Anadolu Agentliyinə istinadən məlumat verir ki, iyunun 20-dən 30-na qədər Türkiyənin Konya vilayətində Azərbaycan, Şimali Kipr Türk Respublikası, Macarıstan, Rumıniya, Səudiyyə Ərəbistanı və Türkiyənin hərbi dəniz və hava qüvvələrinin, eləcə də quru qoşunlarının iştirakı ilə beynəlxalq hərbi təlimlər keçiriləcək.

Türkiyə Baş Qəragahının məlumatına görə, təlimlər nəzarət və xilasetmə əməliyyatlarının idarəedilməsinin inkişafı məqsədi ilə həyata keçiriləcək.

Belçika, Qətər, Keniya, Kosovo, Livan, Makedoniya, Malayziya, Polşa, Sudan, Çili, Yunanıstan, Banqladeş və Sinqapur hərbi qulluqçuları müşahidəçi qismində təlimlərə dəvət olunublar.

İlhamə
Ölkə.Az