Taksometr olmayan taksilərə fərqlənmə nişanı verilməyəcək
Taksi sürücüləri müştəriləri eyni ünvanlara fərqli qiymətə aparırlar. Yola bələd olanlar qiyməti aşağı salsalar da həmin yolu ilk dəfə gedənlər çox vaxt aldanırlar.
Ölkə.Az xezerxeber.com-a istinadən bildirir ki, sərnişinlər isə deyirlər ki, vahid qiymət olmadığından əksər insanlar bir çox hallarda yolun qiymətini bilmirlər.
Qanunverciliyə görə isə, taksi fəaliyyəti göstərən hər bir avtomobildə mütləq taksometr olmalıdır. Amma təcrübədə bu şərtə hələ ki, riayət olunmur.
Məsələ ilə bağlı Bakı Nəqliyyat Agentliyinin sözçüsü Nuridə Allahyarova "Xəzər Xəbər"ə bildirib ki, hazırda qurum tərəfindən Vahid Nəqliyyat Kartı konsepsiyası hazırlanır ki, 1-2 ay ərzində bu proses yekunlaşacaq və müvafiq üst qurumlardan müsbət rəy alındıqdan sonra taksometr quraşdırılmayan taksilərə fərqlənmə nişanı verilməyəcək.
