Kipr prezidenti: Meşə yanğını faciə oldu

Kiprdə meşə yanğınlarının qarşısını almaq üçün İsrailin ardınca Yunanıstan və Britaniya da bu ölkəyə yanğınsöndürən təyyarələr göndərib.

Ölkə.Az "BBC"yə istinadən xəbər verir ki, yanğın şənbə günü Torodos rayonunda baş verib. Əvvəlcə yanğını nəzarət altına almaq mümkün olsa da, külək və isti səbəbi ilə alovlar yenidən yayılmağa başlayıb.

Kipr prezidenti Nikos Anastasiadisin sözlərinə görə, yanğın ərazidə yaşayan kənd icmasına böyük ziyan vurub.

Bir xilasedici həlak olub, onun yanğınsöndürən avtomobili uçuruma yuvarlanıb.

İlhamə
Ölkə.Az