Nazirlikdən uşaqların ölməsi xəbərinə
Səhiyyə Nazirliyi Salyan rayon Mərkəzi Xəstəxanasının doğum şöbəsində iki körpənin ölməsi hadisəsinə münasibət bildirib.
Nazirlikdən Ölkə.Az-a verilən məlumata görə, Mirzabitə İlham qızı Abdullayeva gecə saat 22:15-də 31 həftəlik hamiləlikdən üçəm dünyaya gətirib.
“Uşaqların çəkisi çox balaca olub. İntensiv yardım göstərilib. Bütün yardımlara baxmayaraq, uşaqlardan biri saat 1:00-da, digəri isə 1:10-da tələf olub.
Mətbuatda yazılanlara gəlincə, işıq saat ikinin yarısında bütün rayonda sönüb. Yəni işığın buna heç bir aidiyyəti yoxdu. Xəstəxananın reanimasiya, doğum şöbələrində də generatorlar var” - deyə Səhiyyə Nazirliyindən bildiriblər.