Həmyerlisini sifarişlə öldürən azərbaycanlının görüntüləri yayımlandı
Sankt-Peterburqda azərbaycanlılar arasında qanlı mübahisə yaranıb.
Ölkə.Az "Life" telekanalına istinadən xəbər verir ki, bir neçə gün öncə 43 yaşlı biznesmen Maarif İsmayılovun Kupçino meyvə tərəvəz bazasında öldürüldüyü barədə xəbər verilmişdi. Onu qətlə yetirən şəxsin Azərbaycan vətəndaşı Emil Hüseynov olduğu məlum olub. Şahidlərin dediyinə görə, Emil Hüseynov Maarif Hüseynovun başına 6 dəfə atəş açıb. Biznesmen hadisə yerində həlak olub.
Hadisəni törətdikdən sonra Emil Hüseynov qaçmağa cəhd etsə də bazardakı azərbaycanlılar onu saxlayıblar.
"Life" telekanalında yayımlanan video görüntülərdə Emilin döyüldüyü görüntülənib. Qəzəblənmiş insanların əlindən onu iki nəfər xilas edib. Toplananlar Emilin qətl hadisəsini sifarişlə törətdiyini düşünərək sifarişçinin kim olduğunu söyləməsini tələb ediblər.
Şübhəli şəxs qapalı kəllə beyin travması ilə Aleksandrovski xəstəxanasına yerləşdirilib.
Emil Hüseynov Maarif İsmayılovu sifarişlə öldürdüyünü və buna görə 10 milyon rubl aldığını etiraf edib.
İlhamə
Ölkə.Az
