Cahangir Hacıyevin həyat yoldaşı axtarışa verilib
“Azərbaycan Beynəlxalq Banki” Açıq Səhmdar Cəmiyyətinin sabiq rəhbəri Cahangir Hacıyevin həyat yoldaşı axtarışa verilib.
Daxili İşlər Nazirliyinin mətbuat xidmətindən Ölkə.Az-a verilən məlumata görə, bu barədə “Azərbaycan Beynəlxalq Banki” Açıq Səhmdar Cəmiyyətinə, ümumilikdə, 211 milyon 597 min manat məbləğində ziyan vurulması faktı üzrə cinayət təqibini həyata keçirən istintaq qrupu məlumatında bildirilir.
Qeyd edilir ki, “Beynəlxalq Bank işi” ilə bağlı C.Hacıyevə və digər yeddi şəxsə Cinayət Məcəlləsinin müvafiq maddələri ilə ittiham elan edilib. İş üzrə təqsirləndirilən şəxs qismində cəlb olunmuş Zamirə Hacıyeva istintaqdan gizləndiyi üçün barəsində həbs qətimkan tədbiri seçilərək axtarış elan olunub.
