Bulvarda rəqs məkanı fəaliyyətə başlayır
Bakı Bulvarında təşkil edilən açıq havada rəqs məkanı iyunun 25-dən hər həftəsonu yenidən fəaliyyətə başlayır.
Ölkə.Az xəbər verir ki, rəqslərin hər həftənin şənbə və bazar günləri saat 19:00-dan gecə saatlarınadək davam etməsi nəzərdə tutulur.
Tədbirlərdə 2016-cı ilin Azərbaycanda “Multikulturalizm ili” elan edilməsi ilə əlaqədar müxtəlif xalqların rəqsləri nümayiş etdirilir.
Rəqslər 17-19 iyunda keçirilən “Formula 1” Qran Pri yarışı ilə əlaqədar bir müddət keçirilməmişdi.
